Slökkviliðið var ræst út kl 03.31 í nótt þegar tilkynnt var um eld í rútu við Kaffi Kró, og þegar að var komið stóð rútan, sem er um 50. manna í björtu báli.

Greiðlega gekk að slökkva eldinn en ekki mátti miklu muna að verr færi því rútan stóð upp við bátaskýli Björgunarfélagsins en það er meðal annars notað sem flugeldageymsla.

Voru rúður í bátaskýlinu þegar farnar að springa og klæðning farin að skemmast þegar slökkviliðið mætti á vettvang.  Eldsupptök eru ekki ljós en ýmislegt bendir til þess að kveikt hafi verið í rútunni sem er að öllum líkindum ónýt. (Myndskeið frá slökkvistarfi má sjá á vef RUV-Suðurland)

Tveir menn á tvítugsaldri eru nú í haldi lögreglu, grunaðir um verknaðinn.