Allt tiltækt lið slökkviliðsins var ræst út um hádegi í dag þegar neyðarlínan tilkynnti um lausan eld á 3. hæð sjúkrahússins í Vestmannaeyjum.

Svo vel vildi til að við vorum búnir að vera með æfingu um morguninn en nokkrir menn voru enn á stöðinni þegar ræst var út og voru því fjótir á vettvang.  

Þegar að var komið reyndist þó engin eldur vera laus en það sem gerðist var að þéttir í flúrljósi hafði sprungið og orsakað lítilsháttar bruna í ljósinu en við það myndaðist reykur sem setti brunaviðvörunarkerfi hússins í gang.

Ekki reyndist þörf á neinum aðgerðum af hálfu slökkviliðsins en ljóst er að þarna bjargaði brunaviðvörunarkerfið og rétt viðbrögð ákveðinna starfsmanna miklu því engin starfsemi er á 3. hæðinni um helgar en þar eru m.a. skurðstofa, sjúkraþjálfun o.fl.

Myndskeið frá Sighvati Jónssyni fréttaritara RUV má sjá hér.

Ljósmyndir frá Fréttum má sjá hér.