Skemmtisnekkjan Herjólfur tók upp á því s.l. laugardag að bila og þurfti í framhaldinu að dúsa við bryggju í dágóðan tíma meðan unnið var að bráðabirgða viðgerð.

Ákváðu þá skipstjórnendur, í samráði við slökkviliðsstjóra að nota tækifærið og halda æfingu með áhafnarmeðlimum þar sem meðal annars var farið yfir rétta notkun á eldvarnarteppi, auk þess sem farið var yfir skipið m.t.t. rýmingar og flóttaleiða.

Einnig fékk áhöfnin að spreyta sig í notkun á hefðbundnum reykköfunartækjum og svo björgunartækjunum sem komin eru í mörg skip og eru þegar búin að sanna gildi sitt.(Myndir)