Laugardaginn 21. ágúst s.l. fengum við heimsókn frá nokkrum kollegum okkar á Norðurey þegar þeir Jóhann K. Jóhannsson sl.stjóri á Blönduósi, Magnús B. Baldursson og Ægir Sævarsson frá Brunavörnum Árnessýslu komu í heimsókn til okkar og tóku þátt í æfingunni með okkur.

Farið var á Skanssvæðið þar sem tengt var við brunahana og monitorinn á bílnum notaður auk þess sem "vatnsveggurinn" var prófaður.

Það leiðinlega óhapp varð þó að einn af okkar mönnum slasaðist þegar hann var á leið á æfinguna, þegar mótorhjól sem hann var á rann til með þeim afleiðingum að hann datt í götuna aðeins nokkra metra frá slökkvistöðinni.

Kom það sér því vel að hafa menn á staðnum sem hafa reynslu af sjúkraflutningum en þeir Jóhann og félagar brugðust hárrétt við og hlúðu að hinum slasaða þangað til sjúkrabíll kom á vettvang, en af okkar manni er það að frétta að hann reyndist rifbeinsbrotinn og eitthvað slasaður á vinstri öxl en hversu mikið er ekki fyllilega komið í ljós ennþá.

Viljum við færa þeim félögum bestu þakkir fyrir komuna og aðstoðina á slysavettvangi:)

(myndir frá æfingunni)