Laust fyrir klukkan þrjú í nótt óskaði lögreglan eftir aðstoð slökkviliðsins vegna umferðarslyss sem hafði orðið á gatnamótum Kirkjuvegar og Birkihlíðar.

Tildrög slyssins eru greinarhöfundi ókunn á þessari stundu en þegar slökkviliðið kom á vettvang var búið að fjarlægja bifreiðina sem lent hafði á umferðarmerki með þeim afleiðingum að lekið hafði úr henni smurolía og annar vökvi sem slökkviliðið þurfti að hreinsa upp. Engin slys munu hafa orðið á fólki.

                                                     (Myndin tengist fréttinni ekki)