Slökkviliðið var ræst út kl: 04.20 í morgun þegar Neyðarlínan tilkynnti um mikin reyk í kjallaraíbúð við Brekastíg 28.

Hafði húsráðandi  sem býr á efri hæð hússins sem er þriggja hæða forskalað timburhús vaknað við mikla reykjarlykt og reyk sem barst frá kjallaraíbúð hússins.

Þegar slökkviliðið kom á staðin var lögreglan þegar mætt með

sjúkrabíl en engin eldur reyndist vera laus  þrátt fyrir að mikill reykur væri í kjallaranum og hafði hann borist upp á efri hæðina en timburgólf er á milli hæða.

Voru húsráðandi og íbúi í kjallara þegar komnir út og amaði ekkert að þeim en reykræsta þurfti báðar hæðir hússins.

Orsök "eldsupptakanna" var sú að húsráðandi í kjallara hafði ætlað að fá sér í svangin em sofnað út frá pönnu á eldavél með þeim afleiðingum að maturinn brann við og íbúðin fylltist af reyk.

Er nokkuð ljóst að ef húráðandi á efri hæðinni hefði ekki vaknað við reykin hefði getað farið mjög illa en aðeins einn reykskynjari var á rishæðinni í húsinu og var hann óvirkur.

(Myndir)