Þú ert hér: Heim Ársskýrslur Ársskýrsla 2015
Ársskýrsla 2015 Skoða sem PDF skjal Prentvæn útgáfa Senda í tölvupóst

 

Síðastliðið ár var mjög gott varðandi bruna og  önnur tjón.


Slökkvilið Vestmannaeyja var kallað út af neyðarlínunni 9 sinnum á árinu 2015 og í flestum tilvikum var um minniháttar tjón að ræða. Þetta voru aðalega óhöpp eins og eldur á byrjunarstigi,umferðaslys,vatnslekar,sinueldur,og eiturefni.

Þá heimsóttum við mörg fyritæki og stofnanir bæði til að kynna okkur staðhætti, og einnig vorum við með eldvarnakynningu fyrir starfsfólk. Æfingar hjá liðinu voru 26 á árinu. Einnig fóru slökkviliðsmenn í læknisskoðun og þolpróf.

 

Einnig standa slökkviliðsmenn vaktir þegar skip frá oliufélögunum koma með bensínfarm til losunar hér í eyjum og var það í 9 skipti á árinu. Eldvarnaeftirlitið sér einnig um umsagnir til sýslumanns fyrir gististaði, veitingastaði og samkomustaði þær umsagnir voru 54 á árinu, einnig voru gerðar 28 brunavarnaskýrslur fyrir stærri byggingar.

 

Eins og undanfarin ár tók slökkviliðið þátt í í eldvarnaviku Landssamband slökkviliðsmanna í byrjun desember. Það heimsóttu okkur 48 grunnskólabörn og kennarar á slökkvistöðina þar var farið yfir eldvarnir á heimilum  og börnin skoðuðu tæki og tól. Þá voru kennarar látnir slökkva eld með eldvarnateppi. Síðan var öllum keyrt á slökkvibílum aftur í skólann.

 

Þar sem ég er að eldast og ekki not fyrir mig lengur í slökkviliði vestmannaeyja vil eg þakka samstarfsmönnum og bæjarbúum fyrir gott samstarf undafarin  44 ár.

8.febrúar 2016.

Eyjakveðja.

Ragnar Þór Baldvinsson